മെയ് 4ന് കോടതിയില്‍ നിന്ന് ജയിലിലേക്കുള്ള യാത്രക്കിടെ കുക്കി ഗോത്രക്കാരനായ 21കാരനെ ആള്‍ക്കൂട്ടം കൊലപ്പെടുത്തിയതിന്റെ വിവരങ്ങള്‍ പുറത്തു വന്നു. കസ്റ്റഡിമരണമെന്നാണ് രേഖപ്പെടുത്തിയതെങ്കിലും മുഖ്യമന്ത്രിയുടെ അനുകൂലികളായ സംഘപരിവാറുകാര്‍ യുവാവിനെ കൊലപ്പെടുത്തുകയായിരുന്നുവെന്ന് ദേശീയ മനുഷ്യാവകാശ കമ്മീഷന്‍ അറിയിച്ചു.
ബി.എ വിദ്യാര്‍ത്ഥിയായ യുവാവ് സമൂഹമാധ്യമത്തില്‍ കണ്ട പോസ്റ്റ് പങ്കുവെക്കുകയായിരുന്നു. മെയ് തെയ് വിഭാഗക്കാര്‍ കുക്കികള്‍ക്കെതിരെ നടത്തുന്ന അക്രമങ്ങള്‍ക്ക് പിന്നില്‍ മുഖ്യമന്ത്രി ബിരേന്‍ സിംഗാണെന്ന സന്ദേശമാണ് മെയ് ഫെയ് എന്ന യുവാവ് പങ്കുവെച്ചത്. ഏപ്രില്‍ 27നായിരുന്നു ഇത്.