കോട്ടയത്ത് നിന്ന് കാസര്‍കോട്ടേക്ക് പോവുകയായിരുന്ന കെഎസ്ആര്‍ടിസി മിന്നല്‍ ബസ് അപകടത്തില്‍പ്പെട്ടു. ഇന്ന് പുലര്‍ച്ചെ നാലരയോടെ തലശ്ശേരി ഗവണ്‍മെന്റ് ആശുപത്രിക്കും അഗ്‌നിശമന ഓഫീസിന് സമീപത്തെ റോഡിലെ ഡിവൈഡറില്‍ കയറിയാണ് അപകടമുണ്ടായത്.
ഡ്രൈവര്‍ ഉള്‍പ്പെടെ ആറോളം പേര്‍ക്ക് പരിക്കേറ്റു. നാട്ടുകാരും അഗ്‌നിശമന സേനയും ചേര്‍ന്ന് വാതില്‍ പൊളിച്ചാണ് യാത്രക്കാരെ പുറത്തെത്തിച്ചത്. അന്‍പതോളം യാത്രക്കാര്‍ ബസില്‍ ഉണ്ടായിരുന്നു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. മറ്റു യാത്രക്കാരെ ഡിപ്പോയില്‍ നിന്ന് എത്തിയ കെഎസ്ആര്‍ടിസി ബസില്‍ കയറ്റിവിട്ടു.ഡ്രൈവര്‍ ഉറങ്ങിയതാണ് ്അപകട കാരണം എന്ന് കരുതപ്പെടുന്നു.