തിരുവനന്തപുരം: കെഎസ്ആര്‍ടിസി ബസുകള്‍ മീന്‍ വില്‍ക്കാനും ഉപയോഗിക്കുമെന്ന് ഗതാഗത മന്ത്രി ആന്റണി രാജു. കട്ടപ്പുറത്തായ കെഎസ്ആര്‍ടിസി ബസുകളാണ് മീന്‍ വില്‍പനക്കായി ഉപയോഗിക്കുക.
കെഎസ്ആര്‍ടിസി ബസുകള്‍ മാലിന്യ നീക്കത്തിന് ഉപയോഗിക്കാനുള്ള നീക്കത്തിനെതിരെ യൂണിയനുകള്‍ പരാതി അറിയിച്ചിട്ടില്ലെന്നും ഗതാഗത മന്ത്രി പറഞ്ഞു. ഡ്രൈവര്‍മാര്‍ വണ്ടി ഓടിച്ചാല്‍ മതിയെന്നും മാലിന്യം നീക്കേണ്ടി വരില്ലെന്നും മന്ത്രി അറിയിക്കുന്നു. സര്‍ക്കാരിന്റെ തീരുമാനങ്ങള്‍ അംഗീകരിക്കാന്‍ ജീവനക്കാരും യൂണിയനും ബാധ്യസ്ഥരാണെന്ന് മന്ത്രി കൂട്ടിച്ചേര്‍ത്തു.
ഫിഷറീസ് വകുപ്പുമായി സഹകരിച്ചാണ് കെഎസ്ആര്‍ടിസിയില്‍ മീന്‍വില്‍പന നടത്തുന്നത്. ഡിപ്പോകളിലായിരിക്കും മീന്‍ വില്‍പനക്ക് സൗകര്യമൊരുക്കുക.