പത്തനംതിട്ടയില്‍ വൈദ്യുതി ഉപഭോക്താവിന് 1,50,000 രൂപ നഷ്ടപരിഹാരം കെഎസ്ഇബി ഉദ്യോഗസ്ഥര്‍ നല്‍കണമെന്ന് ഉപഭോക്തൃ തര്‍ക്ക പരിഹാര കമ്മീഷന്‍ വിധി. പത്തനംതിട്ട പന്തളം സ്വദേശിനിയായ ഷഹനാസിനാണ് കെഎസ്ഇബി ഉദ്യോഗസ്ഥര്‍ നഷ്ടപരിഹാരം നല്‍കേണ്ടത്.
മുന്‍കൂര്‍ നോട്ടീസ് നല്‍കാതെ വൈദ്യുതി വിച്ഛേദിച്ചു, നിയമവിരുദ്ധമായി പിഴ ചുമത്തി, തെറ്റായ താരിഫില്‍ വൈദ്യുതി ബില്‍ ചുമത്തി എന്നീ കാരണങ്ങളിലാണ് ഉപഭോക്തൃ തര്‍ക്ക പരിഹാര കമ്മീഷന്റെ വിധി. കെഎസ്ഇബി ഉദ്യോഗസ്ഥര്‍ക്കെതിരെ ഷഹനാസാണ് കമ്മീഷനില്‍ ഹര്‍ജി നല്‍കിയത്.
രണ്ട് വര്‍ഷത്തോളം തെറ്റായ താരിഫില്‍ വന്‍ വൈദ്യുതി തുകയാണ് ഇവര്‍ക്ക് ലഭിച്ചിരുന്നത്്. ഇതിനെ തുടര്‍ന്ന് ഷഹനാസ് പരാതി നല്‍കിയിരുന്നെങ്കിലും പരിഹാരമുണ്ടായിരുന്നില്ല. തുടര്‍ന്നാണ് ഉപഭോക്തൃ തര്‍ക്ക പരിഹാര കമ്മിഷനില്‍ ഹര്‍ജി നല്‍കിയതെന്ന് ഷഹനാസിന്റെ ഭര്‍ത്താവ് പറഞ്ഞു. .