കോഴിക്കോട് യുവാവ് കഞ്ചാവുമായി പിടിയില്‍; പ്രതി ഭാര്യയെ വെട്ടിക്കൊലപ്പെടുത്തിയ യാസിറിന്റെ സുഹൃത്ത്

കോഴിക്കോട് യുവാവ് കഞ്ചാവുമായി പിടിയില്‍. ഈങ്ങാപ്പുഴയില്‍ നോമ്പുതുറസമയത്ത് ഭാര്യയെ വെട്ടിക്കൊലപ്പെടുത്തിയ കേസിലെ പ്രതി യാസിറിന്റെ സുഹൃത്ത് ഷാജഹാനാണ് പിടിയിലായത്. ഈങ്ങാപ്പുഴയിലെ വീട്ടില്‍ നടത്തിയ പരിശോധനയിലാണ് 50 ഗ്രാം കഞ്ചാവുമായി ഷാജഹാനെ പിടികൂടിയത്.

യാസിറിന് കഞ്ചാവ് എത്തിച്ചു നല്‍കിയത് ഷാജഹാന്‍ ആണെന്നും പൊലീസ് കണ്ടെത്തിയിട്ടുണ്ട്. ഷാജഹാനെ ഇതിന് മുന്‍പും കഞ്ചാവുമായി പൊലീസ് പിടികൂടിയിട്ടുണ്ട്. ഇയാള്‍ക്കെതിരെ എക്‌സൈസ് കേസെടുത്തു.