എലത്തൂര്‍ ട്രെയിന്‍ തീവെപ്പ് കേസിലെ മുഖ്യപ്രതി ഷാറൂഖ് സെയ്ഫിയെ കേരളത്തിലെത്തിച്ചു. കോഴിക്കോടേക്കാണ് പൊലീസ് എത്തിച്ചത്. സെയ്ഫിയുമായി കേരളത്തിലേക്കു വന്ന അന്വേഷണ സംഘത്തിന്റെ വാഹനം പഞ്ചറായതിനെ തുടര്‍ന്ന് സ്വകാര്യ വാഹനത്തിലാണ് കോഴിക്കോട് എത്തിച്ചത്.
കണ്ണൂര്‍ കാടാച്ചിറയില്‍ വച്ചാണ് വാഹനം പഞ്ചറായത്. ഒരു മണിക്കൂറിലധികം ഇവിടെ കിടന്ന ശേഷമാണ് വേറൊരു വാഹനമെത്തിച്ച് പ്രതിയെ അതില്‍ കയറ്റി കോഴിക്കോട്ടേക്ക് എത്തിച്ചത്.
കേരളത്തിലേക്ക് എത്തിച്ച പ്രതിക്കൊപ്പം 3 പൊലീസുകാര്‍ മാത്രമാണ് ഉണ്ടായിരുന്നത്. കോഴിക്കോട്ടെ മാലൂര്‍ക്കുന്നിലുള്ള പൊലീസ് ക്യാംപിലാണ് പ്രതിയെ എത്തിച്ചത്.