കോഴിക്കോട് കെഎസ്ആര്‍ടിസി ടെര്‍മിനിലിന്റെ ബലക്ഷയം ഗുരുതരമാണെന്ന് മദ്രാസ് ഐഐടിയുടെ പുതിയ പഠന റിപ്പോര്‍ട്ട്. കെട്ടിടത്തിന്റെ 98 ശതമാനം തൂണുകളും 80 ശതമാനം ബീമുകളും 18 ശതമാനം സ്ലാബുകളും കൂടുതല്‍ ബലപ്പെടുത്തണമെന്നാണ് നിര്‍ദേശം. ഇതിന് വേണ്ടി 30 കോടിയോളം രൂപ ചിലവുവരുമെന്നാണ് കണക്കാക്കുന്നതെന്നാണ് ഗതാഗത മന്ത്രിക്ക് നല്‍കിയ റിപ്പോര്‍ട്ടില്‍ പറയുന്നു.
പ്രതിക്ഷിച്ചതിനേക്കാളും കൂടുതല്‍ ബലക്ഷയമാണ് ടെര്‍മിനലിന്റെ കെട്ടിടത്തിന്റെ അവസ്ഥയെന്നാണ് ഇപ്പോഴത്തെ റിപ്പോര്‍ട്ട്. കെട്ടിടത്തിന്റെ പണിപൂര്‍ത്തിയാക്കാന്‍ ഏകദേശം ഒരുവര്‍ഷത്തോളം സമയമെടുക്കും. ടെര്‍മിനലിന്റെ പണിപൂര്‍ത്തിയാക്കിയ ആര്‍ക്കിടെക്ടിനെതിരെ കേസെടുത്ത് നഷ്ടപരിഹാരം ഈടാക്കാനും റിപ്പോര്‍ട്ടില്‍ ആവശ്യപ്പെടുന്നുണ്ട്.