കോഴിക്കോട്: മുണ്ടുപാലം പുത്തൂർമടം റോഡിൽ സമീപം മൃതദേഹം കണ്ടെത്തി. റോഡിന് സമീപത്തെ പാടത്ത് സ്കൂട്ടറിൽ വീണുകിടക്കുന്ന രീതിയിലാണ് കണ്ടെത്തിയത്. ദുർഗന്ധം വമിച്ചതിനെ തുടർന്നു നാട്ടുകാർ നടത്തിയ പരിശോധനയിലാണ് റോഡിന്റെ കെട്ടിനു സമീപത്തായി കിട്ടികാടിനുള്ളിൽ മൃതദേഹം കണ്ടത്. മാലിന്യങ്ങൾക്കിടയില്‍ അഴുകിയ നിലയിലായിരുന്നു മൃതദേഹം.
നാട്ടുകാര്‍ വിവരമറിയിച്ചെതിനെ തുടര്‍ന്ന് പന്തീരങ്കാവ് സ്റ്റേഷന്‍ സബ് ഇന്‍പെക്ടര്‍ എസ്.പി മുരളീധരന്റെ നേതൃത്വത്തിൽ പോലീസെത്തി പ്രാഥമിക അന്വേഷണം നടത്തി.
ടി.വി.എസ് ജൂപ്പിറ്റർ സ്കൂട്ടറിൽ സഞ്ചരിക്കവെ അപകടം സംഭവിച്ചതാണ് പ്രാഥമിക നിഗമനം. മൃതദേഹം സംബന്ധിച്ച കൂടുതല്‍ വിവരങ്ങൾക്കായി സമീപത്തുനിന്നും കാണാതായവരുടെ വിവരങ്ങൾ പരിശോധിക്കുകയാണ് പോലീസ്.