കോഴിക്കോട്: ഐ. എസ്.എല്‍ കിരീടം നേടിയ ആത്മവിശ്വാസവുമായി സൂപ്പര്‍കപ്പില്‍ എടികെ മോഹന്‍ ബഗാന്‍ ആദ്യ അങ്കത്തിനിറങ്ങുന്നു. മുന്‍ ഐലീഗ് ചാമ്പ്യനായ ഗോകുലം കേരള എഫ്.സിയാണ് എതിരാളികള്‍. വൈകീട്ട് അഞ്ച് മണിക്ക് കോഴിക്കോട് കോര്‍പറേഷന്‍ സ്റ്റേഡിയത്തിലാണ് പോരാട്ടം.
കഴിഞ്ഞ മാസം ഗോവയില്‍ നടന്ന ഐഎസ്എല്‍ ഫൈനലില്‍ ബംഗളൂരു എഫ്.സിയോട് ആവേശകരമായ 2-2 സമനില വഴങ്ങിയതിന് ശേഷം പെനാല്‍റ്റിയിലാണ് എടികെ കിരീടമുറപ്പിച്ചത്. മൂന്നാഴ്ചത്തെ ഇടവേളയ്ക്ക് ശേഷം രണ്ടാംകിരീടം ലക്ഷ്യമിട്ടാണ് ബംഗാള്‍ക്ലബ് ഇറങ്ങുന്നത്. രാത്രി 8.30ന് നടക്കുന്ന രണ്ടാംമത്സരത്തില്‍ നിലവിലെ സൂപ്പര്‍കപ്പ് ചാമ്പ്യന്‍ എഫ്.സി ഗോവ ജംഷഡ്പൂര്‍ എഫ്.സിയെ നേരിടും.