അൽ ഐൻ: അൽ ഐൻ കെഎംസിസി കോഴിക്കോട് ജില്ലാ കമ്മിറ്റി ഹീലി നായ്ഫ ക്ലബ്ബിൽ വെച്ച് നടത്തുന്ന “കോഴിക്കോടൻ ഫെസ്റ്റ് 2024” എന്ന പ്രോഗ്രാമിന്റെ പോസ്റ്റർ പ്രകാശനം അൽ ഐൻ കെഎംസിസി സംസ്ഥാന പ്രസിഡന്റ് സയ്യിദ് ഷിഹാബുദീൻ തങ്ങൾ ബാ അലവി കോഴിക്കോട് ജില്ലാ ജനറൽ സെക്രട്ടറി കെ എം ഹംസക്ക് നൽകി നിർവഹിക്കുന്നു. അൽ ഐൻ സ്റ്റേറ്റ് കെഎംസിസി ജനറൽ സെക്രട്ടറി സയ്യിദ് ഹാഷിം കോയ തങ്ങൾ, ജില്ലാ ഭാരവാഹികളായ സഫീർ കൊറോത്, റസാഖ് കാപ്പാട്, യു സി സലാം, സയ്യിദ് അഹ്‌മദ്‌, യാസിർ കുന്നമംഗലം,സലാം കോഴിക്കോട് തുടങ്ങിയവർ പങ്കെടുത്തു.
ഫെബ്രുവരി 4 ന് അൽ ഐൻ ഹിലി നായ്ഫ ക്ലബ്ബിൽ 2 മണിക്ക് തുടങ്ങുന്ന പരിപാടി രാത്രി 10 മണിക്ക് അവസാനിക്കും. കോഴിക്കോട് ജില്ലയിൽ നിന്നുള്ള കുട്ടികളുടെ സർഗ്ഗ വാസനകളെ പ്രോത്സാഹിപ്പിക്കുന്നതിനായി വിവിധ സാഹിത്യ,കല, കായിക ഇനങ്ങളിൽ മത്സരം പരിപാടിയുടെ ഭാഗമായി ഉണ്ടാവും.45 വർഷത്തെ പ്രവാസം അവസാനിപ്പിച്ചു നാട്ടിലേക്ക് പോവുന്ന യു എ ഇ കെഎംസിസി യുടെ സീനിയർ നേതാവ് അഷ്‌റഫ്‌ പള്ളിക്കണ്ടം സാഹിബിനുള്ള സ്നേഹാദരവും യാത്രയയപ്പും കൂടെ പുതുതായി തിരഞ്ഞെടുക്കപ്പെട്ട അൽ ഐൻ കെഎംസിസി വനിതാ വിംഗ് നേതാക്കൾക്ക് സ്വീകരണവും പരിപാടി യുടെ ഭാഗമായി നടക്കും.