ആലപ്പുഴ-കണ്ണൂർ എക്സിക്യുട്ടീവ് എക്സ്‌പ്രസിന്റെ കോച്ചുകൾ ഫൊറൻസിക് സംഘം പരിശോധിച്ചു

കോഴിക്കോട് എലത്തൂരിൽ അജ്ഞാതൻ തീയിട്ട ആലപ്പുഴ-കണ്ണൂർ എക്സിക്യുട്ടീവ് എക്സ്‌പ്രസിന്റെ കോച്ചുകൾ ഫൊറൻസിക് സംഘം പരിശോധിച്ചു.കണ്ണൂർ റെയിൽവേ സ്റ്റേഷൻ യാർഡിൽ സൂക്ഷിച്ച ഡി-1, ഡി-2 കോച്ചുകളാണ് പരിശോധിച്ചത്.ബോട്ടിലിൽ ഏത് രാസവസ്തുവാണെന്ന് റിപ്പോർട്ട് ലഭിച്ചാലേ പറയാൻ കഴിയൂവെന്ന് അധികൃതർ പറഞ്ഞു. സംഭവത്തില്‍ പൊള്ളലും പരിക്കുമേറ്റ എല്ലാവര്‍ക്കും സൗജന്യ ചികിത്സ ഉറപ്പാക്കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു അവര്‍ക്ക് മതിയായ ചികിത്സ സൗജന്യമായി ഉറപ്പാക്കാന്‍ ആരോഗ്യ വകുപ്പ് ഡയറക്ടര്‍ക്കും മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍ക്കും നിര്‍ദേശം നല്‍കിയിട്ടുണ്ടെന്നും മന്ത്രി അറിയിച്ചു.