രാജ്യത്ത് കഴിഞ്ഞ 24 മണിക്കൂറിനിടെ 44,877 പേര്‍ക്ക് കോവിഡ് സ്ഥിരീകരിച്ചു. പ്രതിദിന കോവിഡ് സ്ഥിരീകരണ നിരക്ക് 11 ശതമാനം കുറഞ്ഞ് 3.17 ശതമാനമായി. 40 ദിവസങ്ങള്‍ക്ക് ശേഷം തുടര്‍ച്ചയായ രണ്ടാം ദിവസമാണ് പ്രതിദിന കോവിഡ് കണക്ക് അരലക്ഷത്തില്‍ താഴെ റിപ്പോര്‍ട്ട് ചെയ്യുന്നത്. 24 മണിക്കൂറിനിടെ 684 പേര്‍ മരണപ്പെട്ടു. ഇതോടെ രാജ്യത്തെ ആകെ കോവിഡ് മരണങ്ങള്‍ 5,08,665 ആയി. രാജ്യത്തെ ആകെ കോവിഡ് കേസുകളുടെ എണ്ണം 42,631,421 ആയി. നിലവില്‍ 5,37,045 സജീവ കേസുകളാണ് രാജ്യത്തുള്ളത്. 24 മണിക്കൂറിനിടെ 1,17,591 പേര്‍ രോഗമുക്തി നേടിയതോടെ ആകെ രോഗമുക്തരുടെ എണ്ണം 4,15,85,711 ആയി. 97.55 ശതമാനമാണ് രോഗമുക്തി നിരക്ക്.