ഇടതുപക്ഷത്തിനോട് സമസ്തയുടെ അടുപ്പം വര്‍ധിപ്പിക്കുന്നു എന്ന പ്രചാരണം ദുരുദ്ദേശപരമായിട്ടുള്ളതാണെന്ന് മുതിര്‍ന്ന സമസ്ത നേതാവ് അബ്ദുസമദ് പൂക്കോട്ടൂര്‍ വ്യക്തമാക്കി. ആനുകൂല്യങ്ങള്‍ കരസ്ഥമാക്കാന്‍ സഹകരിക്കണമെന്ന് പറയുന്നത് രാഷ്ട്രീയ സഹകരണമല്ലെന്നും സമസ്തയ്ക്കുള്ളില്‍ ഇതിന്റെ പേരില്‍ ഭിന്നതയുണ്ടാകില്ലെന്നും അബ്ദുസമദ് പൂക്കോട്ടൂര്‍ പറഞ്ഞു. ആനുകൂല്യങ്ങള്‍ നേടിയെടുക്കുന്നതില്‍ സര്‍ക്കാരിനോട് സഹകരിക്കാമെന്നാണ് ജിഫ്രി തങ്ങള്‍ പറഞ്ഞതെന്നും മാധ്യമങ്ങള്‍ മെനഞ്ഞെടുക്കുന്നതാണ് എല്ലാമെന്നും അബ്ദുസമദ് പൂക്കോട്ടൂര്‍ കൂട്ടിചേര്‍ത്തു. എല്ലാകാലത്തും സമസ്തയില്‍ ഒരേ അഭിപ്രായം മാത്രമെ ഉളളുവെന്നും അദ്ദേഹം പറഞ്ഞു.
ഭരണത്തിലിരിക്കുന്ന സര്‍ക്കാരുമായി സഹകരിക്കുകയെന്നത് സമസ്തയുടെ രീതിയാണെന്ന് പ്രസിഡന്റ് ജിഫ്രി തങ്ങള്‍ മുന്‍പ് പറഞ്ഞിരുന്നെന്നും അതേസമയം എതിര്‍ക്കേണ്ട സന്ദര്‍ഭം വന്നാല്‍ സര്‍ക്കാരിനെ എതിര്‍ക്കുകതന്നെ ചെയ്യുമെന്ന് വ്യക്തമാക്കിയതായും അബ്ദുസമദ് പൂക്കോട്ടൂര്‍ ഓര്‍മപ്പെടുത്തി.