വനിതാ ഡോക്ടർ കുത്തേറ്റ് മരിച്ച സംഭവം; സർക്കാരിനെതിരെ രൂക്ഷവിമർശനവുമായി ഹൈക്കോടതി

കൊട്ടാരക്കര താലൂക്ക് ആശുപത്രിയിൽ വനിതാ ഡോക്ടർ വന്ദന കുത്തേറ്റ് മരിച്ച സംഭവത്തിൽ സർക്കാരിനെതിരെ രൂക്ഷവിമർശനവുമായി ഹൈക്കോടതി.രാജ്യത്ത് മറ്റൊരിടത്തും നടക്കാത്ത കാര്യമാണെന്നും ഡോക്ടർമാരെ സംരക്ഷിക്കാൻ കഴിഞ്ഞില്ലെങ്കിൽ ആശുപത്രികൾ അടച്ചുപൂട്ടണമെന്നും കോടതി പറഞ്ഞു. പോലീസിന്റെ കയ്യിൽ തോക്ക് ഉണ്ടായിരുന്നില്ലേ എന്നും കോടതി ചോദിച്ചു. ജസ്റ്റിസുമാരായ ദേവന്‍ രാമചന്ദ്രനും കൗസര്‍ എടപ്പഗത്തും അടങ്ങിയ ബെഞ്ച് പ്രത്യേക സിറ്റിങ്ങിലാണ് വിഷയം പരിഗണിച്ചത്.എങ്ങിനെ സുരക്ഷ ഒരുക്കണമെന്ന് പറഞ്ഞുതരേണ്ടത് കോടതിയല്ല.ആക്രമങ്ങൾ തടയാനല്ലേ സുരക്ഷാ സംവിധാനങ്ങൾ എന്നും കോടതി ചോദിച്ചു.