എഡ്യുക്കേഷന്‍ സിറ്റി സ്‌റ്റേഡിയത്തില്‍ ഇന്ന് ഗ്രൂപ്പ് എച്ചിലെ രണ്ടാം അങ്കത്തില്‍ ദക്ഷിണ കൊറിയയും ഘാനയും നേര്‍ക്കുനേര്‍. പോര്‍ച്ചുഗല്‍ഒന്നാം സ്ഥാനത്തുള്ള ഗ്രൂപ്പില്‍ ഇന്ന് ജയിക്കാനായാല്‍ കൊറിയക്കാര്‍ക്ക് പ്രതീക്ഷയോടെ അവസാന ഗ്രൂപ്പ് മല്‍സരത്തെ നേരിടാനാവും.
ആദ്യ മല്‍സരത്തില്‍ കൊറിയക്കാരുടെ പ്രതിയോഗികള്‍ ശക്തരായ യുറഗ്വായ് ആയിരുന്നു. ലുയീസ് സുവാരസ് നയിച്ച സംഘത്തെ സമനിലയില്‍ പിടിച്ചുനിര്‍ത്താനായത് സണ്‍ ഹ്യുംഗ് മിന്‍ സംഘത്തിന് കരുത്തായിട്ടുണ്ട്. ഘാനക്കാര്‍ പോര്‍ച്ചുഗലിനെയാണ് ആദ്യ മല്‍സരത്തില്‍ നേരിട്ടത്. ആദ്യ പകുതിയില്‍ പൊരുതി നിന്ന ആഫ്രിക്കക്കാര്‍ പക്ഷേ രണ്ടാം പകുതിയിലാണ് തകര്‍ന്നത്.