കൊല്ലം കരുനാഗപ്പള്ളിയിൽ വിദേശ വനിതയെ മദ്യം നൽകി പീഡിപ്പിച്ച രണ്ടുപേർ പിടിയിലായി. ചെറിയഴിക്കൽ സ്വദേശികളായ നിഖിൽ, ജയൻ എന്നിവരെയാണ് പോലീസ് അറസ്റ്റ് ചെയ്‌തത്‌.വള്ളിക്കാവ് അമൃതപുരിയിലേക്ക് വന്ന അമേരിക്കക്കാരിയായ 44കാരിയാണ് രണ്ടു ദിവസം മുൻപ് പീഡനത്തിരയായത്.ബീച്ചിൽ ഇരുന്ന യുവതിയുമായി ചങ്ങാത്തം കൂടി ആളൊഴിഞ്ഞ വീട്ടിൽ എത്തിച്ച ശേഷമായിരുന്നു പീഡനം.അമിതമായി മദ്യം നൽകി ബോധം കെടുത്തിയ ശേഷം പീഡിപ്പിച്ചെന്നാണ് പരാതി.യുവതി ആശ്രമത്തിൽ വിവരം അറിയിച്ചതിനെ തുടർന്ന് പൊലീസിൽ പരാതി നൽകുകയായിരുന്നു.