ലഹരി ഉപയോഗിക്കുന്ന സിനിമാ താരങ്ങൾ ഉടൻ പിടിയിലാകുമെന്ന് സിറ്റി പോലീസ് കമ്മീഷണർ

ലഹരി മരുന്ന് ഉപയോഗിക്കുന്ന സിനിമ താരങ്ങളെയെല്ലാം പൊലീസിന് അറിയാമെന്നും ഇവർ ഉടൻ പിടിയിലാകുമെന്നും കൊച്ചി സിറ്റി പൊലീസ് കമ്മീഷണർ കെ സേതുരാമൻ പറഞ്ഞു.ഈ താരങ്ങളുടെ പിന്നാലെ പൊലീസ് ഉണ്ട്. ഇവർ ലഹരിമരുന്ന് കൈവശം വെക്കുമ്പോഴോ ഉപയോഗിക്കുന്ന സമയത്തോ മാത്രമേ പിടികൂടാനാകൂവെന്നും കമ്മീഷണർ വ്യക്തമാക്കി. സിനിമാ സെറ്റിൽ പരിശോധന നടത്താൻ പൊലീസിന് തടസമില്ല.കൊച്ചിയിലെ സിനിമാ സെറ്റുകളിൽ ഷാഡോ പൊലീസിനെ വിന്യസിച്ചിട്ടുണ്ട്. അതിനാൽ തന്നെ ഉപയോഗം കുറഞ്ഞിട്ടുണ്ടെന്നും കമ്മീഷണർ വ്യക്തമാക്കി.