കൊച്ചി: കൊച്ചി മെട്രോ സ്‌റ്റേഷനുകളിലെ പാര്‍ക്കിങ് നിരക്കുകള്‍ പുതുക്കി നിശ്ചയിച്ചു. കോവിഡ് കാലത്ത് നല്‍കിയ ഇളവ് പിന്‍വലിച്ചാണ് പുതിയ നിരക്ക്. മെട്രോ യാത്രക്കാരുടടെ കാര്‍, ജീപ്പ് എന്നിവയ്ക്ക് ആദ്യത്തെ രണ്ട് മണിക്കൂറിന് 15 രൂപയാണ് പുതുക്കിയ നിരക്ക്. തുടര്‍ന്നുള്ള ഓരോ മണിക്കൂറിനും 5 രൂപ വീതം ഈടാക്കും. ഇരുചക്ര വാഹനങ്ങള്‍ക്ക് ഓരോ രണ്ട് മണിക്കൂറിനും അഞ്ച് രൂപയാണ് പുതുക്കിയ നിരക്ക്.
മെട്രോ യാത്രക്കാരല്ലാത്തവര്‍ക്ക് സ്‌റ്റേഷനില്‍ വാഹനം പാര്‍ക് ചെയ്യണമെങ്കില്‍ അമിത നിരക്ക് നല്‍കണം. കാര്‍, ജിപ്പ് എന്നിവയ്ക്ക് ആദ്യത്തെ രണ്ടു മണിക്കൂറിന് 35 രൂപയും തുടര്‍ന്നുളള ഓരോ മണിക്കൂറിനും ഇരുപത് രൂപ വീതവും ഈടാക്കും. ഇരുചക്ര വാഹനങ്ങള്‍ക്ക് ആദ്യ രണ്ട് മണിക്കൂറിന് 20 രൂപയും പിന്നീടുള്ള ഓരോ മണിക്കൂറിനും പത്ത് രൂപയുമാകും.