![](data:image/svg+xml;charset=utf-8,<svg height="555px" width="740px" xmlns="http://www.w3.org/2000/svg" version="1.1"/>)
കൊച്ചി-ലണ്ടന്‍ വിമാന സര്‍വീസ് നിര്‍ത്തലാക്കില്ലെന്നും ടിക്കറ്റ് ബുക്കിങ് പുനരാരംഭിക്കുമെന്നും വ്യോമയാന മന്ത്രാലയം ഉറപ്പ് നല്‍കിയതായി കെ.സി. വേണുഗോപാല്‍ എം.പി. ബദല്‍ പരിഹാരമാര്‍ഗങ്ങള്‍ ഏര്‍പ്പെടുത്താതെ ഈ റൂട്ടിലേക്കുള്ള വിമാന സര്‍വീസുകള്‍ നിര്‍ത്തലാക്കുന്നത് യാത്രാ സമയം വര്‍ധിക്കുന്നതിന് കാരണമാകുമെന്ന് കെ.സി. വേണുഗോപാല്‍ വ്യോമയാന മന്ത്രിയെ അറിയിച്ചിരുന്നു. മാത്രമല്ല, യാത്രക്കാര്‍ക്കുണ്ടാകുന്ന അസൗകര്യത്തിന് പുറമെ ഉയര്‍ന്ന സാമ്പത്തിക ബാധ്യതക്ക് ഇടയാക്കുമെന്നും വേണുഗോപാല്‍ സൂചിപ്പിച്ചിരുന്നു.
കൂടാതെ കേരളത്തിനും യു.കെക്കുമിടയില്‍ യാത്ര ചെയ്യുന്ന പ്രവാസികള്‍, വിദ്യാര്‍ത്ഥികള്‍, ബിസിനസ് പ്രഫഷണലുകള്‍, വിനോദ സഞ്ചാരികള്‍ എന്നിവരുള്‍പ്പെടെ കേരളത്തില്‍ നിന്നുള്ള ഒരുപാട് യാത്രക്കാര്‍ കൊച്ചി-ലണ്ടന്‍ റൂട്ട് ഫ്ളൈറ്റിനെ ആശ്രയിക്കുന്നുണ്ടെന്നും കെ.സി. വേണുഗോപാല്‍ മന്ത്രിയെ അറിയിച്ചു.
