ജീവകാരുണ്യപ്രവര്‍ത്തന രംഗത്ത് കെഎംസിസിയെ കവച്ചുവെക്കാന്‍ മറ്റൊരു സംഘടനക്കും കഴിയില്ലെന്ന് വടകര എംഎല്‍എ കെകെ രമ അഭിപ്രായപ്പെട്ടു. നാട്ടില്‍ വിവിധ പരിപാടികളില്‍ സംബന്ധിക്കുമ്പോഴെല്ലാം തന്റെ മനസ്സില്‍ നിറഞ്ഞുനില്‍ക്കുകയും ആദരവോടെ ഓര്‍ക്കുകയും ചെയ്യുന്ന പ്രസ്ഥാനമാണ് കെഎംസിസി. അബൂദാബി സംസ്ഥാന കെഎംസിസി ഓഫീസ് സന്ദര്‍ശിച്ചു സംസാരിക്കുകയിരുന്നു അവര്‍. പ്രസിഡണ്ട് ഷുക്കൂറലി കല്ലിങ്ങല്‍ അധ്യക്ഷത വഹിച്ചു. ജന സെക്രട്ടറി അഡ്വ. കെവി മുഹമ്മദ്കുഞ്ഞി സ്വാഗതം പറഞ്ഞു.
വേറിട്ട പ്രവര്‍ത്തനവും വേര്‍തിരിവില്ലാത്ത സേവനവുമാണ് എന്നും കെഎംസിസി സമൂഹത്തിന് നല്‍കിയിട്ടുള്ളത്. പ്രളയവും കോവിഡുമെല്ലാം മനുഷ്യരാഷിയെ പിടിച്ചുലച്ചപ്പോള്‍ സര്‍വ്വവും മറന്നു ജാതിമത വ്യത്യാസമില്ലാതെ സര്‍വ്വര്‍ക്കും വേണ്ടി കെഎംസിസി നടത്തിയ പോരാട്ടം വിസ്മരിക്കാനാവില്ല. ഏത് മേഖലയായാലും മനുഷ്യത്വത്തിന് പ്രഥമ സ്ഥാനം നല്‍കി പ്രവര്‍ത്തനം നടത്തുവാന്‍ കെഎംസിസി തയ്യാറാകുന്നുവെന്നത് ഈ കലുഷിത കാലഘട്ടത്തില്‍ ഏറെ പ്രസക്തവും മഹത്തരവുമാണെന്ന് അവര്‍ പറഞ്ഞു. ഇന്ത്യന്‍ ഇസ്ലാമിക് സെന്റര്‍ ജന സെക്ര അബ്ദുല്‍ സലാം ടികെ, സംസ്ഥാന ഭാരവാഹികളായ അഷ്‌റഫ് പൊന്നാനി, ഇബ്രാഹിം ബഷീര്‍, റഷീദലി മമ്പാട്, സഫീഷ് എ, ഇ ടി മുഹമ്മദ് സുനീര്‍ നേതൃത്വം നല്‍കി