ഓയൂരില്‍ കുട്ടിയെ തട്ടിക്കൊണ്ടുപോയ വാഹന ഉടമയുടെയും പണം ആവശ്യപ്പെട്ട് വിളിച്ച മൊബൈല്‍ നമ്പറിന്റെ ഉടമയെയും പൊലീസ് കണ്ടെത്തി. ഫോണ്‍കോള്‍ വന്നത് കൊല്ലം ജില്ലയിലെ പാരിപ്പള്ളിയിലെ കടയിലെ നമ്പറില്‍ നിന്നാണ്. ഇതുമായി ബന്ധപ്പെട്ട പിരശോധനകള്‍ നടന്ന് കൊണ്ടിരിക്കുകയാണ്.
കടയില്‍ ഉപഭോക്താക്കളെന്ന വ്യാജേന എത്തിയ ഒരു പുരുഷനും സ്ത്രീയുമാണ് ഫോണ്‍ വാങ്ങി വിളിച്ചതെന്ന് വ്യാപാരി പറഞ്ഞതായി പൊലീസ് പറഞ്ഞു. എന്നാല്‍ എവിടെയുള്ള വ്യാപാരി ആണ് ഇത് എന്നത് സംബന്ധിച്ച് വ്യക്തത പൊലീസ് നല്‍കിയിട്ടില്ല.
ആറ് വയസുകാരിക്കായി മോചനദ്രവ്യം ആവശ്യപ്പെട്ട് അമ്മയുടെ ഫോണിലേക്കാണ് സന്ദേശമെത്തിയത്. ഫോണ്‍ വിളിച്ച് ഭീഷണിപ്പെടുത്തിയത് ഒരു സ്ത്രീയാണ്. ‘കുട്ടി ഞങ്ങളുടെ കയ്യിലുണ്ടെന്നും 5 ലക്ഷം രൂപ കൊടുത്താല്‍ വിട്ട് നല്‍കാമെന്നു’മാണ് പറഞ്ഞതെന്നും ബന്ധു അറിയിച്ചു.