ന്യൂഡല്‍ഹി: ഒരു വനിതയെ അധ്യക്ഷയാക്കാന്‍ ആര്‍.എസ്.എസ് തയ്യാറാകുമോ എന്ന് കോണ്‍ഗ്രസ് നേതാവ് ദിഗ്‌വിജയ് സിങ്. ചരിത്രത്തിലാദ്യമായി ആര്‍.എസ്.എസ് ദസറ ആഘോഷത്തില്‍ അതിഥിയായി ഒരു വനിതയെ പങ്കെടുപ്പിച്ചതിനോട് പ്രതികരിക്കുകയായിരുന്നു അദ്ദേഹം.
‘ആര്‍.എസ്.എസ് മാറുകയാണോ? പുള്ളിപ്പുലിക്ക് എപ്പോഴെങ്കിലും അതിന്റെ പാടുകള്‍ മാറ്റാന്‍ കഴിയുമോ?. അവര്‍ ഹിന്ദു രാഷ്ട്രം എന്ന അജണ്ട ഉപേക്ഷിക്കുമോ?. ഒരു പിന്നാക്ക ജാതിക്കാരനെ സര്‍സംഘചാലക് ആക്കുമോ? അവര്‍ക്ക് ആര്‍.എസ്.എസില്‍ സ്ഥിരമായ അംഗത്വം ഉണ്ടാകുമോ?. ആര്‍എസ്എസില്‍ ന്യൂനപക്ഷങ്ങള്‍ക്ക് അംഗത്വം കൊടുക്കുമോ?, തുടങ്ങിയ ചോദ്യങ്ങളും അദ്ദേഹം ഉന്നയിച്ചു.