ബ്രഹ്മപുരത്തെ തീപിടിത്തവുമായി ബന്ധപ്പെട്ട് ഒന്നിനും പ്രതികരിക്കാത്ത മുഖ്യമന്ത്രി വേസ്റ്റിന് തുല്യമെന്ന് കെപിസിസി പ്രസിഡന്റ് കെ. സുധാകരന്‍. വിദേശത്തെ മാലിന്യ സംസ്‌കരണം പഠിച്ച മുഖ്യമന്ത്രി തീപിടിത്തത്തെ കുറിച്ച് പ്രതികരിക്കാന്‍ തയ്യാറായിട്ടില്ലെന്നും അദ്ദേഹം കുറ്റപ്പെടുത്തി. ബ്രഹ്മപുരത്തെ തീപിടിത്തം ഉണ്ടായ സ്ഥലം സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ബ്രഹ്മപുരം തീപിടിത്തത്തെ തുടര്‍ന്ന് പടര്‍ന്ന പുകയില്‍ കഴിയുകയാണ് കൊച്ചിയിലുള്ളവര്‍. ഗുരുതര ആരോഗ്യപ്രശ്‌നങ്ങളാണ് കൊച്ചിയിലുള്ളവര്‍ നേരിടുന്നത്. പരിചയ സമ്പന്നത ഇല്ലാത്ത കോണ്‍ട്രാക്ടര്‍ക്ക് കരാറ് നല്‍കിയത് അഴിമതിയാണെന്നും അദ്ദേഹം കൂട്ടിചേര്‍ത്തു.