ഷാജ് കിരണുമായുള്ള ഫോണ്‍ സംഭാഷണം പുറത്തു വിട്ട് സ്വപ്ന സുരേഷ്. പാലക്കാട് വിളിച്ചുചേര്‍ത്ത വാര്‍ത്താസമ്മേളനത്തിലാണ് സ്വപ്ന സുരേഷ് ഇതുമായി ബന്ധപ്പെട്ട ഓഡിയോ ക്ലിപ്പ് പുറത്ത് വിട്ടത്.
ഒന്നര മണിക്കൂറോളം ദൈര്‍ഘ്യമുള്ള ഓഡിയോയാണ് പുറത്തു വിട്ടിട്ടുള്ളത്. ഷാജ് കിരണ്‍ നടത്തുന്ന നാടകം ജനങ്ങളെ അറിയിക്കുന്നതിന് വേണ്ടിയാണ് ഓഡിയോ പുറത്തുവിടുന്നത് എന്ന് സ്വപ്ന മാധ്യമങ്ങളോട് പറഞ്ഞു. ശിവശങ്കര്‍ വഴി ഷാജ് കിരണുമായി വര്‍ഷങ്ങളുടെ ബന്ധമുണ്ട് സ്വപ്ന വ്യക്തമാക്കി.
സംഭാഷണത്തില്‍ അദ്ദേഹം ഭീഷണിപ്പെടുത്തിയതായും സ്വപ്ന പറയുന്നു. ആരോടാണ് കളിച്ചത് എന്നറിയാമോ.. അദ്ദേഹത്തിന്റെ മകളുടെ പേര് പുറത്തുപോയാല്‍ അദ്ദേഹത്തിന് സഹിക്കില്ല ഷാജന്‍ പറഞ്ഞതായി സ്വപ്ന വെളിപ്പെടുത്തുന്നു.നേരിട്ടത് മണിക്കൂറുകള്‍ നീണ്ട മാനസികപീഡനം ആണെന്നും തളര്‍ത്താന്‍ ശ്രമിച്ചുവെന്നും സ്വപ്ന പറയുന്നു.