ഓണക്കിറ്റ് നല്‍കുന്ന കാര്യത്തില്‍ തീരുമാനമെടുത്തിട്ടില്ലെന്ന് ധനമന്ത്രി കെ എന്‍ ബാലഗോപാല്‍ പറഞ്ഞു.സര്‍ക്കാരിന് സാമ്പത്തിക പ്രതിസന്ധി ഉണ്ട് .ഓണക്കിറ്റ് എല്ലാവര്‍ക്കുമുണ്ടായേക്കില്ല. കൊവിഡ് സാഹചര്യം ആയതിനാല്‍ ആണ് കഴിഞ്ഞ വര്‍ഷം എല്ലാവര്‍ക്കും കിറ്റ് കൊടുത്തതെന്നും മന്ത്രി പറഞ്ഞു.സപ്ലൈകോയ്ക്ക് സാമ്പത്തിക പ്രതിസന്ധി ഉണ്ടെന്നും മന്ത്രി സമ്മതിച്ചു.കുറച്ച് പണം ഈ ആഴ്ച്ച കൊടുക്കാന്‍ ആണ് ശ്രമം. നെല്ല് സംഭരണത്തിന് പണം നല്‍കാന്‍ ബാങ്ക് 400 കോടി രൂപ വായ്പ നല്‍കുമെന്നായിരുന്നു പ്രതീക്ഷയെന്നും കെ എന്‍ ബാലഗോപാല്‍ പറഞ്ഞു.