കേരളം നേരിട്ട മഹാപ്രളയത്തിന്റെ പ്രാഥമിക ഉത്തരവാദിത്വം കേരളത്തിനും മാത്രമെന്ന് കേന്ദ്ര ആഭ്യന്തര മന്ത്രാലയം. ദുരന്തത്തെ നേരിടുന്നതില്‍ കേന്ദ്ര സര്‍ക്കാറിന്റെ പിന്തുണയെ പുകഴ്ത്തിയ പിണറായി വിജയന്റെ നിലപാടുകള്‍ക്കേറ്റ തിരിച്ചടിയാണ് ഈ പരാമര്‍ശം. നൂറ്റാണ്ടിലെ പ്രളയത്തെ ദേശീയ ദുരന്തമായി പ്രഖ്യാപിക്കണമെന്നാവശ്യപ്പെട്ടുകൊണ്ട് മുസ്ലിം യൂത്ത് ലീദ് ദേശീയ പ്രസിഡണ്ട് സാബിര്‍ ഗഫ്ഫാര്‍ സമര്‍പ്പിച്ച കത്തിനുള്ള മറുപടിയിലാണ് കേന്ദ്ര സര്‍ക്കാര്‍ നിലപാട് വ്യക്തമാക്കിയത്.
കേരളത്തിന് സഹായങ്ങള്‍ നല്‍കുന്നതില്‍ നിയന്ത്രണങ്ങളുണ്ടെന്നും വ്യവസ്ഥാപിതമായ നടപടിക്രമങ്ങളിലൂടെ മാത്രമേ സാമ്പത്തിക സഹായങ്ങള്‍ അനുവദിക്കാന്‍ സാധിക്കൂ. എസ്ഡിആര്‍എഫ്( state disaster respond fund), എന്‍ഡിആര്‍എഫ് (National Disaster respond fund) എന്നീ സര്‍ക്കാര്‍ ഏജന്‍സികളിലൂടെ മാത്രമ് സഹായങ്ങള്‍ നല്‍കാന്‍ സാധിക്കൂ എന്നും കേന്ദ്രം അയച്ച മറുപടിക്കത്തില്‍ പറയുന്നു.