തിരുവനന്തപുരം: പുതുവത്സര ദിനത്തില്‍ കേരളം കുടിച്ച് തീര്‍ത്തത് 107.14 കോടി രൂപയുടെ മദ്യം. കഴിഞ്ഞ വര്‍ഷത്തെ പുതുവത്സര ദിനത്തില്‍ വിറ്റഴിച്ചത് 95.67 കോടിയുടെ മദ്യവും. റെക്കോര്‍ഡ് വില്‍പനയിലൂടെ സര്‍ക്കാരിന് വിറ്റുവരവില്‍ കിട്ടുന്നത് 600 കോടി രൂപ.
1.12 കോടിയുടെ മദ്യം വിറ്റ തിരുവനന്തപുരം പവര്‍ ഹൗസ് റോഡിലെ ഔട്ട്‌ലെറ്റിലായിരുന്നു ഏറ്റവും കൂടുതല്‍ വില്‍പ്പന. കൊല്ലം ആശ്രാമം ഔട്ട്‌ലെറ്റില്‍ 96.59 ലക്ഷം രൂപയുടെ മദ്യം പുതുവര്‍ഷത്തലേന്ന് വിറ്റു. കാസര്‍കോട് ബട്ടത്തൂരിലാണ് ഏറ്റവും കുറവ് വില്‍പ്പന. 10.36 ലക്ഷം രൂപയുടെ മദ്യമാണ് ഇവിടെ നിന്നും വില്‍പ്പന നടത്തിയത്. സംസ്ഥാനത്തെ എല്ലാ ഔട്ട്‌ലെറ്റുകളിലും പത്ത് ലക്ഷം രൂപയ്ക്ക് മുകളില്‍ മദ്യം പുതുവര്‍ഷ ദിനത്തില്‍ വിറ്റു.