കൊച്ചി: വിജയത്തേരോട്ടം തുടര്‍ന്ന് കേരളാ ബ്ലാസ്‌റ്റേഴ്‌സ്. പുതുവര്‍ഷത്തില്‍ പതറാതെ മുന്നോട്ട് കുതിക്കുകയാണ് ടീം. തുടര്‍ച്ചയായി എട്ട് മത്സരങ്ങളില്‍ തോല്‍വിയറിയാതെ കുതിക്കുന്ന ബ്ലാസ്‌റ്റേഴ്‌സ് ഐഎസ്എല്‍ ഹോം പോരാട്ടത്തില്‍ ജംഷഡ്പുര്‍ എഫ്‌സിയെയും തകര്‍ത്തു. ഒന്നിനെതിരെ മൂന്ന് ഗോളുകള്‍ക്കാണ് മുന്നേറ്റം. ജയത്തോടെ ബ്ലാസ്‌റ്റേഴ്‌സ് പോയിന്റ് പട്ടികയില്‍ മൂന്നാം സ്ഥാനത്തേക്ക് ഇരച്ച് കയറി.
അപോസ്‌തോലോസ് ജിയാനു, ദിമിത്രിയോസ് ഡയമന്റകോസ്, അഡ്രിയാന്‍ ലുണ എന്നിവര്‍ ബ്ലാസ്‌റ്റേഴ്‌സിനായി ഗോള്‍ നേടി. ജംഷഡ്പുരിന് വേണ്ടി ഗോള്‍വല കുലുക്കിയത് ഡാനിയല്‍ ചിമ ചുക്‌വു ആണ്.