ബിജെപിയുടെ തന്ത്രങ്ങളിൽ വീഴുന്നവരല്ല കേരളത്തിലെ ക്രൈസ്തവ സഭകളെന്ന് മുതിർന്ന കോൺഗ്രസ് നേതാവ് കെ സി ജോസഫ് പറഞ്ഞു.. ബിജെപിയിലേക്ക് ഒരു ഒഴുക്കും ഉണ്ടാകില്ല. ചില ഭാഗ്യാന്വേഷികളെ കിട്ടിയെന്ന് വരാ’മെന്നും കെ സി ജോസഫ് ഒരു വാർത്താ ചാനലിനോട് പ്രതികരിച്ചു.
നരേന്ദ്രമോദി എറണാകുളത്ത് വരുമ്പോൾ വലിയ രാഷ്ട്രീയ മാറ്റങ്ങളുണ്ടാകുമെന്ന യാതൊരു ആശങ്കയും ഇല്ല. എന്നാൽ ചില ഭാഗ്യാന്വേഷികളെയും അവസരവാദികളെയും ബിജെപിക്ക് കിട്ടിയെന്നും വരാം. അതിനപ്പുറത്തേക്ക് കേരളത്തിലെ ന്യൂനപക്ഷങ്ങളുടെ ഇടയിലേക്ക് കടന്നു ചെല്ലാനും അവരുടെ വിശ്വാസം ആർജ്ജിക്കാനോ ഒരിക്കലും ബിജെപിക്ക് സാധിക്കില്ലെന്നും കെ സി ജോസഫ് പറഞ്ഞു.