എഐസിസി ജനറല്‍ സെക്രട്ടറി കെ.സി വേണുഗോപാലിന്റെ ഫോണ്‍ ഹാക്ക് ചെയ്തതായി പരാതി. പണവും രേഖകളും ആവശ്യപ്പെട്ടുകൊണ്ട് വിവിധ പിസിസി അധ്യക്ഷന്മാര്‍ക്കും നേതാക്കള്‍ക്കും ഫോണ്‍ സന്ദേശം ലഭിച്ചു. സംഭവത്തില്‍ കെ.സി വേണുഗോപാലിന്റെ സെക്രട്ടറി കെ. ശരത് ചന്ദ്രന്‍, ഡിജിപി അനില്‍ കാന്തിന് പരാതി നല്‍കി. പരാതിയുടെ പകര്‍പ്പ് കെ.സി വേണുഗോപാല്‍ ട്വീറ്റ് ചെയ്തു.
ചൊവ്വാഴ്ച മുതലാണ് ഇത്തരത്തിലുള്ള കോളുകള്‍ ലഭിക്കാന്‍ തുടങ്ങിയത് എന്നാണ് പറയുന്നത്.തന്റെ നമ്പറില്‍ നിന്ന് സംശയകരമായ കോളുകള്‍ വരികയാണെങ്കില്‍ റിപ്പോര്‍ട്ട് ചെയ്യണമെന്നും വേണുഗോപാല്‍ ട്വീറ്ററില്‍ കുറിച്ചു.