ജമ്മു കശ്മീരില്‍ അതിര്‍ത്തി ജില്ലകളായ സാംബ പൂഞ്ച് മേഖലകളിലെ ഇന്ത്യന്‍ ഔട്ട് പോസ്റ്റുകളില്‍ പാക്ക് സൈന്യം ആക്രമണം നടത്തി. രണ്ട് ബി.എസ്.എഫ് ജവാന്മാരുള്‍പ്പടെ ഏഴുപേര്‍ക്ക് ആക്രമണത്തില്‍ സാരമായ പരിക്കേറ്റു.
ജമ്മുവിലേയും സാംബയിലേയും അന്താരാഷ്ട്ര അതിര്‍ത്തിയായ അരിന, ആര്‍.എസ്.പുര രാംഘട്ട് മേഖലകളില്‍ കഴിഞ്ഞ ദിവസം വൈകിട്ടു മുതല്‍ വെടി നിര്‍ത്തല്‍ കരാര്‍ ലംഘിച്ച് പാക്കിസ്താന്‍ ആക്രമണം നടത്തി കൊണ്ടിരിക്കുകയാണ്. അതിര്‍ത്തികളില്‍ നിന്ന് 500 ഓളം പേരേ പോലീസ ഒഴിപ്പിച്ചിട്ടുണ്ട്. 20,000 ഓളം പേര്‍ പ്രശ്‌ന ബാധിത പ്രദേശങ്ങളില്‍ നിന്ന് ഒഴിഞ്ഞു പോയി. ഇവരെല്ലാം ദിവസങ്ങളായി താത്്ക്കാലിത ക്യാമ്പില്‍ കഴിയുകയാണ്.