കരുവന്നൂര്‍ സഹകരണ ബാങ്ക് തട്ടിപ്പില്‍ മുന്‍ മന്ത്രി എ.സി മൊയ്തീനെതിരെ ഗുരുതര ആരോപണവുമായി മുഖ്യസാക്ഷി ജിജോര്‍ കെ.എ. സതീഷ് കുമാറിനായി പി പി കിരണില്‍ നിന്ന് മൊയ്തീന്‍ 3 കോടി രൂപ വാങ്ങി നല്‍കി.
കരുവന്നൂര്‍ ബാങ്കില്‍ സതീഷ് കുമാറിന് വേണ്ടി ഇടപെട്ടത് മെയ്തീനാണെന്നും കള്ളപ്പണം വെളുപ്പിക്കാനുള്ള ഇടമായിരുന്നു കരുവന്നൂര്‍ ബാങ്ക് എന്നും ജിഷോര്‍ പറഞ്ഞു. ഇ.പി ജയരാജനും, കെ.കെ ശൈലജയും തൃശ്ശൂരില്‍ എത്തുമ്പോള്‍ സതീഷിനെ കണ്ടിരുന്നുന്നെന്നും കെ.എ ജീജോര്‍ ആരോപിച്ചു.
കരുവന്നൂര്‍ ബാങ്ക് തട്ടിപ്പിലെ കള്ളപ്പണ ഇടപാടില്‍ കൂടുതല്‍ നടപടികളിലേക്ക് നീങ്ങുകയാണ് ഇഡി. മൊയ്തീനെ വീണ്ടും ചോദ്യം ചെയ്യുമെന്ന് ഇഡി അറിയിച്ചു. ബിനാമി ലോണുകള്‍ അനുവദിക്കാന്‍ നിര്‍ദ്ദേശം നല്‍കിക്കൊണ്ട് എസി മൊയ്തീന്‍ സാമ്പത്തിക നേട്ടമുണ്ടാക്കിയോ എന്നുള്ളതാണ് ഇ ഡി പ്രധാനമായും പരിശോധിക്കുന്നത്. ആവശ്യക്കാര്‍ക്ക് ലോണ്‍ അനുവദിക്കാന്‍ നിര്‍ദേശം നല്‍കുക മാത്രമാണ് താന്‍ ചെയ്തതെന്നും വഴിവിട്ട ഇടപാടുകള്‍ നടന്നിട്ടില്ലെന്നും ആണ് മൊയ്തീന്‍ ഇ ഡിക്ക് നല്‍കിയ മൊഴി. മൊയ്തീന്‍ നല്‍കിയ രേഖകളുടെ കൂടി അടിസ്ഥാനത്തില്‍ ഇ ഡി ചോദ്യം ചെയ്തതിരുന്നു.