കൈക്കൂലി കേസില്‍ ഒന്നാം പ്രതിയായ ബിജെപി എംഎല്‍എ മാതല്‍ വിരുപാക്ഷപ്പ അറസ്റ്റില്‍. കര്‍ണാടക ഹൈക്കോടതി മുന്‍കൂര്‍ ജാമ്യം നിഷേധിച്ച തുടര്‍ന്നാണ് ലോകായുക്ത അറസ്റ്റ് രേഖപ്പെടുത്തിയത്. ഇദ്ദേഹത്തിന്റെ മകന്‍ പ്രശാന്ത് മാതല്‍ 40 ലക്ഷം രൂപ കൈക്കൂലി വാങ്ങുന്നതിനിടെ ലോകായുക്ത പൊലീസിന്റെ പിടിയിലാവുകയായിരുന്നു. ഇതിന് പിന്നാലെ നടത്തിയ റെയിഡില്‍ 8കോടിയില്‍ അധികം രൂപ കണ്ടെടുത്തിരുന്നു.
സോപ്പ് നിര്‍മ്മാണത്തിനുള്ള അസംസ്‌കൃത വസ്തുക്കള്‍ വിതരണം ചെയ്യാനുള്ള ടെന്‍ഡര്‍ ലഭിക്കാനായി കൈക്കൂലി വാങ്ങി എന്നായിരുന്നു ആരോപണം. തിരഞ്ഞെടുപ്പ് നടക്കാനിരിക്കുന്ന കര്‍ണാടകയില്‍ എംഎല്‍എക്ക് നേരെ ഉയര്‍ന്ന ആരോപണം ബിജെപിക്ക് വലിയ തിരിച്ചടിയായിട്ടുണ്ട്.