ഇരുവഴിഞ്ഞി പുഴയിലേക്ക് കാർ മറിഞ്ഞ് യുവാവ് മരിച്ചു

കോഴിക്കോട് തിരുവമ്പാടിയിൽ പുഴയിലേക്ക് കാർ മറിഞ്ഞു യുവാവ് മരിച്ചു. തിരുവമ്പാടി സ്വദേശി മുഹാജിറാണ് (45) മരിച്ചത് . കാറിലുണ്ടായിരുന്ന റഹീസിനെ ഗുരുതര പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിച്ചു. ഇന്ന് രാവിലെ 11 മണിയോടെയായിരുന്നു അപകടം.  രണ്ട് പേർ മാത്രമാണ് കാറിൽ ഉണ്ടായിരുന്നത്. യാത്രക്കിടയിൽ ടാർ ചെയ്യാത്ത സ്ഥലത്ത് വെച്ച് കാർ നിയന്ത്രണം വിട്ട് ഇരുവഞ്ഞി പുഴയിലേക്ക് മറിയുകയായിരുന്നു . മുഹാജിർ തിരുവമ്പാടി തോട്ടത്തിൻ കടവ് പച്ചക്കാട് സ്വദേശിയാണ്.മൃതദേഹം തിരുവമ്പാടി സ്വകാര്യ ആശുപത്രിയിൽ .