കണ്ണൂരിൽ കാറും ബസ്സും കൂട്ടിയിടിച്ചുണ്ടായ അപകടത്തിൽ പരിക്കേറ്റ യുവതി ചികിത്സയിലിരിക്കെ മരിച്ചു. കാസർഗോഡ് പള്ളിക്കര തൊട്ടിയിൽ സീമെൻ വീട്ടിൽ നസീബ (28) ആണ് ചാല മിംസ് ആശുപത്രിയിൽ വച്ച് മരിച്ചത്.കണ്ണൂർ എടക്കാട് പോലീസ് സ്റ്റേഷന് സമീപം ഇന്ന് രാവിലെയുണ്ടായ അപകടത്തിലാണ് യുവതിക്ക് പരിക്കേറ്റത്.ഇവരുടെ മകൾ, ഉമ്മ, അമ്മാവൻ, അമ്മാവന്റെ ഭാര്യ എന്നിവർക്കും അപകടത്തിൽ പരിക്കേറ്റിരുന്നു. ഇവർ ആശുപത്രിയിൽ ചികിത്സയിലാണ്.