മാരകായുധങ്ങളുമായി യുവാവ് പിടിയില്‍. കണ്ണൂര്‍ പാനൂര്‍ മനേക്കരയിലാണ് സംഭവം. പൊന്ന്യം വെസ്റ്റ് സ്വദേശി അശ്വന്ത് ആണ് പിടിയിലായത്. കൂടെയുണ്ടായിരുന്ന രണ്ടുപേര്‍ ഓടി രക്ഷപ്പെട്ടു. ഈ മേഖലയില്‍ ആര്‍എസ്എസ്-കോണ്‍ഗ്രസ് സംഘര്‍ഷം നിലനില്‍ക്കുന്നുണ്ട്. എന്നാല്‍ പിടിയിലായ അശ്വന്തിന് ഇതുമായി ബന്ധമില്ലെന്നാണ് പൊലീസ് പറയുന്നത്.
കഴിഞ്ഞ ദിവസം ഈ പ്രേദേശത്ത് ഒരു വിവാഹ വീട്ടില്‍ ഗുണ്ടാസംഘങ്ങള്‍ തമ്മില്‍ ഏറ്റുമുട്ടിയിരുന്നു. സ്വര്‍ണക്കടത്തുമായി ബന്ധപ്പെട്ട തര്‍ക്കങ്ങളാണ് ഏറ്റുമുട്ടലിന് കാരണമെന്നാണ് പൊലീസ് പറയുന്നത്. ഏറ്റുമുട്ടിയ ഇരുവിഭാഗവും സിപിഎം അനുഭാവികള്‍ തന്നെയാണെന്നാണ് വിവരം. സംഭവസ്ഥലത്ത് സംഘര്‍ഷാവസ്ഥ നിലനില്‍ക്കുന്നതിനാല്‍ പൊലീസ് പ്രദേശത്ത് പരിശോധന നടത്തിയിരുന്നു. ഇതിനിടയിലാണ് യുവാവ് പിടിയിലായത്.