കോഴിക്കോട്: കലോത്സവം കോഴിക്കോടിന്റെ മുറ്റത്ത് ആദ്യം ദിനം തന്നെ ആവേശം വിടാതെ നെഞ്ചിടിപ്പോടെയുള്ള പോരാട്ടമാണ് കാഴ്ചവെക്കുന്നത്. കലോത്സവത്തിന്റെ ആദ്യ ദിനം അസ്തമിക്കുമ്പോള്‍ മുന്നിട്ട് നില്‍ക്കുന്നത് കണ്ണൂരിന്റെ വിളയാട്ടം. 83 പോയിന്റുകളാണ് കണ്ണൂര്‍ നേടിയത്. തൊട്ടുപിന്നാലെ ഒരു പോയിന്റിന്റെ വ്യത്യാസത്തില്‍ കോഴിക്കോടും. പിടിവിടാന്‍ ഉദേശമില്ലാതെ കൊല്ലവും തൃശൂരും പിറകെ നില്‍ക്കുന്നു. കായിക മേളയില്‍ കപ്പടിച്ച പാലക്കാട് 78 പോയിന്റുമായി അഞ്ചാം സ്ഥാനത്താണ്.
61ാം സ്‌കൂള്‍ കലോത്സവത്തില്‍ വാശിയേറിയ പോരാട്ടങ്ങളാണെങ്കിലും ഇത്തവണ ഒന്നും രണ്ടും മൂന്നും സ്ഥാനങ്ങളില്ല. ഗ്രേഡുകള്‍ മാത്രമാണുള്ളത്. കലോത്സവം കുട്ടികളില്‍ ഉത്കണ്ഠയും വിഷാദവുമുള്‍പ്പെടെ പ്രശ്‌നങ്ങള്‍ക്കിടയാക്കാതിരിക്കാനാണ് സ്ഥാനങ്ങള്‍ ഒഴിവാക്കിയത്. കലാമാമങ്കം ഉത്സവമാണെന്നും മത്സരമാകരുതെന്നുമാണ് മന്ത്രിമാരും കോടതിയുമടക്കം അഭിപ്രായപ്പെട്ടത്.