കണ്ണൂര്‍: കൂത്തുപറമ്പില്‍ കേരള ബാങ്കിന്റെ ജപ്തി നടപടിയെ തുടര്‍ന്ന് കുടുംബം പെരുവഴിയില്‍. പുറക്കളം സുഹറയുടെ വീടാണ് വായ്പ തിരിച്ചടവ് വൈകിയതിനെ തുടര്‍ന്ന് ജപ്തി ചെയ്തത്. വീട് വിറ്റ് വായ്പ അടക്കാന്‍ തയാറാണെന്ന് പറഞ്ഞിട്ടും ബാങ്ക് അധികൃതര്‍ സമയം അനുവദിച്ചില്ലെന്ന് സുഹ്‌റ മാധ്യമങ്ങളോട് പറഞ്ഞു.
2012ല്‍ 10 ലക്ഷം രൂപ വായ്പയെടുത്തത് ഇപ്പോള്‍ 19 ലക്ഷമായി അടയ്ക്കണമെന്ന് ബാങ്ക് പറഞ്ഞെന്നും കുടുംബം വ്യക്തമാക്കുന്നു. നിയമപരമായ നടപടിക്രമമെന്നാണ് ബാങ്കിന്റെ വിശദീകരണം. എന്നാല്‍ കോവിഡ് പ്രതിസന്ധിക്കിടെ ജപ്തി നടപടികള്‍ ഉണ്ടാകില്ലെന്ന് സര്‍ക്കാര്‍ വ്യക്തമാക്കുന്നതിനിടെയാണ് സാധാരണക്കാരെ ദ്രോഹിക്കുന്ന നടപടികളുമായി കേരളത്തിലെ സഹകരണ ബാങ്കുകള്‍ മുന്നോട്ടുപോകുന്നത്.