യുവതിയെ ലൈംഗികമായി പീഡിപ്പിച്ച് ഭീഷണിപ്പെടുത്തിയെന്ന കേസില്‍ പ്രമുഖ കന്നഡ സിനിമാ നിര്‍മാതാവ് അറസ്റ്റില്‍. ശനിയാഴ്ച്ചയാണ് കര്‍ണാടക പൊലീസ് നിര്‍മാതാവായ വീരേന്ദ്ര ബാബുവിനെ അറസ്റ്റ് ചെയ്തത് പീഡനദൃശ്യങ്ങള്‍ പകര്‍ത്തി ഇയാള്‍ യുവതിയെ ഭീഷണിപ്പെടുത്തി പണം വാങ്ങിയെന്നാണ് പരാതി. വിരേന്ദ്ര ബാബു യുവതിയില്‍ നിന്നും 15 ലക്ഷം രൂപ കൈവശപ്പെടുത്തിയതായും അനുസരിച്ചില്ലെങ്കില്‍ വീഡിയോ സോഷ്യല്‍മീഡിയയിലൂടെ പുറത്തുവിടുമെന്ന് ഭീഷണിപ്പെടുത്തിയതായും പൊലീസ് പറയുന്നു.
2021 ലാണ് കേസിനാസ്പദമായ സംഭവം നടന്നത്. യുവതി പൊലീസില്‍ പരാതി നല്‍കിയത് അടുത്തിടെയാണ്. വീരേന്ദ്ര ബാബു ആവശ്യപ്പെട്ട പണം നല്‍കാനായി താന്‍ ആഭരണങ്ങള്‍ അടക്കം വിറ്റുവെന്ന് യുവതി പരാതിയില്‍ പറയുന്നു. പണം നല്‍കിയിട്ടും കഴിഞ്ഞ ജുലൈ 30 ന് ഇയാള്‍ വിളിച്ച് വീണ്ടും ഭീഷണിപ്പെടുത്തി.
2021 ലാണ് കേസിനാസ്പദമായ സംഭവം നടന്നത്. യുവതി പൊലീസില്‍ പരാതി നല്‍കിയത് അടുത്തിടെയാണ്. വീരേന്ദ്ര ബാബു ആവശ്യപ്പെട്ട പണം നല്‍കാനായി താന്‍ ആഭരണങ്ങള്‍ അടക്കം വിറ്റുവെന്ന് യുവതി പരാതിയില്‍ പറയുന്നു. പണം നല്‍കിയിട്ടും കഴിഞ്ഞ ജുലൈ 30 ന് ഇയാള്‍ വിളിച്ച് വീണ്ടും ഭീഷണിപ്പെടുത്തി.
വീരേന്ദ്ര ബാബു തന്നെ ബലം പ്രയോഗിച്ച് കാറില്‍ കയറ്റി, തോക്ക് ചൂണ്ടി ഭീഷണിപ്പെടുത്തിയെന്ന് യുവതി വെളിപ്പെടുത്തി. ബലാത്സംഗം, ജീവന് ഭീഷണി തുടങ്ങിയ കുറ്റങ്ങളാണ് ഇയാള്‍ക്കെതിരെ പരാതിയില്‍ ആരോപിച്ചിരിക്കുന്നത്. സംഭവത്തില്‍ വീരേന്ദ്ര ബാബുവിന്റെ സുഹൃത്തിനെതിരെയും പൊലീസ് കേസെടുത്തിട്ടുണ്ട്. കേസില്‍ അന്വേഷണം തുടരുകയാണ്.
കഴിഞ്ഞ വര്‍ഷം രാഷ്ട്രീയ പാര്‍ട്ടി മുഖേന നിയമസഭയിലേക്കും ലോക്‌സഭാ തെരഞ്ഞെടുപ്പിലേക്കും ടിക്കറ്റ് നല്‍കാമെന്ന് വാഗ്ദാനം നല്‍കി കബളിപ്പിച്ചെന്ന കുറ്റത്തിന് വീരേന്ദ്ര ബാബു ബെംഗളൂരുവില്‍ അറസ്റ്റിലായിരുന്നു.