തമിഴ് സൂപ്പര്‍താരവും മക്കള്‍ നീതിമയ്യം പ്രസിഡണ്ടുമായ കമല്‍ഹാസന്‍ കോണ്‍ഗ്രസ് സ്ഥാനാര്‍ത്ഥിക്കായി പ്രചാരണത്തിനിറങ്ങും. ഈറോഡ് ഈസ്റ്റ് മണ്ഡലത്തില്‍ നടക്കുന്ന ഉപതെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ഥി ഇ വി കെ എസ് ഇളങ്കോവന്‍ വേണ്ടിയാണ് താരം പ്രചാരണത്തിന് ഇറങ്ങുക.
നേരത്തെ രാഹുല്‍ ഗാന്ധി നയിച്ചിരുന്ന ഭാരത് ജോഡോ യാത്രയിലും കമല്‍ഹാസന്‍ പങ്കെടുത്തിരുന്നു. ഡിഎംകെ സഖ്യ സ്ഥാനാര്‍ത്ഥിയെ പിന്തുണക്കുമെന്ന് കമലഹാസന്‍ നേരത്തെ തന്നെ അറിയിച്ചിരുന്നു.