ന്യൂഡല്‍ഹി: ജസ്റ്റിസുമാരായ എസ്.വി ഭാട്ടിയും ഉജ്ജ്വല്‍ ഭുയാനും ഇന്ന് സുപ്രീംകോടതി ജഡ്ജിമാരായി സത്യപ്രതിജ്ഞ ചെയ്യും. സുപ്രീംകോടതി ഓഡിറ്റോറിയത്തില്‍ രാവിലെ 10 മണിക്കാണ് സത്യപ്രതിജ്ഞ ചെയ്യുക. ചീഫ് ജസ്റ്റിസ് ഡി.വൈ ചന്ദ്രചൂഡ് സത്യവാചകം ചൊല്ലികൊടുക്കും. ജൂലായ് അഞ്ചിന് ചേര്‍ന്ന സുപ്രീംകോടതി കൊളീജിയമാണ് എസ്.വി ഭാട്ടിയെയും ഉജ്ജ്വല്‍ ഭുയാനെയും സുപ്രീംകോടതി ജഡ്ജിമാരാക്കാന്‍ ശുപാര്‍ശ ചെയ്തത്. എസ്.വി ഭാട്ടി കേരള ഹൈക്കോടതി ചീഫ് ജസ്റ്റിസും ഉജ്ജ്വല്‍ ഭുയാന്‍ തെലുങ്കാന ഹൈകോടതി ചീഫ് ജസ്റ്റിസുമായിരുന്നു. ജസ്റ്റിസ് ഭാട്ടി ആന്ധ്രപ്രദേശ് ഹൈക്കോടതിയിലും ജസ്റ്റിസ് ഉജ്ജ്വല്‍ ഭുയാന്‍ ഗുവാഹത്തി ഹൈക്കോടതിയിലും ജഡ്ജിമാരായി സേവനം ചെയ്തിരുന്നു.
ജസ്റ്റിസുമാരായ എസ്.വി ഭാട്ടിയും ഉജ്ജ്വല്‍ ഭുയാനും ഇന്ന് സത്യപ്രതിജ്ഞ ചെയ്യും
Tags: supremcurt