തൃശൂര്‍: ഓടിക്കൊണ്ടിരുന്ന ട്രെയിനില്‍ നിന്ന് ചാടിയിറങ്ങിയ രണ്ടുപേര്‍ മരിച്ചു. കൊരട്ടി സ്വദേശികളായ കൃഷ്ണകുമാര്‍(16), സജ്ഞയ്(17) എന്നിവരാണ് മരിച്ചത്. പുലര്‍ച്ചെ മൂന്ന് മണിക്കായിരുന്നു അപകടം സംഭവിച്ചത്. തൃശൂര്‍ കൊരട്ടിയില്‍ സ്‌റ്റോപ്പില്ലാത്ത ട്രയിനിലായിരുന്നു ഇവര്‍ യാത്ര ചെയ്തത്. സ്ഥലത്തെത്തിയപ്പോള്‍ ഇരുവരും ചാടിയിറങ്ങിയതാണ് മരണത്തില്‍ കൊണ്ടെത്തിച്ചത്.
തല പ്ലാറ്റ്‌ഫോമില്‍ ഇടിച്ചാണ് ഒരാള്‍ മരിച്ചത്. രണ്ടാമത്തെയാള്‍ വീഴ്ചയില്‍ ട്രെയിനിനും പ്ലാറ്റ്‌ഫോമിനും ഇടയില്‍ കുടുങ്ങുകയായിരുന്നു. രണ്ടുപേരും സംഭവ സ്ഥലത്ത് തന്നെ മരിച്ചു.