ദ സിയാസത്ത് ഡെയ്‌ലി ദിനപത്രത്തിന്റെ മാനേജിംഗ് എഡിറ്റര്‍ സഹീറുദ്ദീന്‍ അലി ഖാന്‍ (62 ) അന്തരിച്ചു. സഹീറുദ്ദീൻ ഖാന്‍ തിങ്കളാഴ്ച അല്‍വാളില്‍ വിപ്ലവ ഗായകനും സുഹൃത്തുമായ ഗദ്ദറിന്റെ സംസ്‌കാര ചടങ്ങില്‍ പങ്കെടുക്കുന്നതിനിടെ കുഴഞ്ഞുവീഴുകയായിരുന്നു.1949 ല്‍ സ്ഥാപിതമായ പ്രമുഖ ഉര്‍ദു പത്രമാണ് ദി സിയാസത്ത് ഡെയ്‌ലി.ഗദ്ദറിന്റെ ശവസംസ്‌കാര ചടങ്ങില്‍ സജീവമായി പങ്കെടുത്ത അദ്ദേഹം പെട്ടെന്ന് റോഡില്‍ കുഴഞ്ഞു വീഴുകയായിരുന്നു. ഉടന്‍ തന്നെ അടുത്തുള്ള സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യയും രണ്ട് മക്കളുമുണ്ട്.