കോട്ടയം: ജോസ് കെ മാണി രാജ്യസഭാ എംപി സ്ഥാനം രാജിവെച്ചേക്കുമെന്ന് സൂചന.പാലാ സീറ്റ് ലഭിക്കുന്നതിനാണ് ഈ നീക്കം.
ജോസ് കെ മാണിയെ സംബന്ധിച്ച് പാല സീറ്റ് അഭിമാനപ്രശ്‌നമാണ്. എന്നാല്‍ പാലാ, കുട്ടനാട് സീറ്റുകള്‍ വിട്ടുകൊടുക്കില്ലെന്ന് എന്‍സിപി വ്യക്തമാക്കിയിട്ടുണ്ട്.
പാലയും കുട്ടനാടും മോഹിച്ച് ജോസ് കെ മാണി എല്‍ഡിഎഫിലേക്ക് വരേണ്ടെന്നായിരുന്നു എംഎല്‍എ മാണി സി കാപ്പന്‍ പറഞ്ഞത്. അതുകൊണ്ടുതന്നെ ഇടത് മുന്നണി പ്രവേശനം സാധ്യമായാലും സീറ്റ് സംബന്ധിച്ച് തര്‍ക്കമുണ്ടാകാന്‍ സാധ്യതയുണ്ട്. ജോസ് കെ മാണിയുടെ മുന്നണി പ്രവേശനത്തിന് മുന്‍പ് ഘടക കക്ഷികളുടെ പ്രശ്‌നങ്ങള്‍ കൂടി സിപിഎം പരിഹരിക്കേണ്ടിവരും.