ഗാന്ധി നഗര്‍: ഗുജറാത്ത് നിയമസഭ തെരഞ്ഞെടുപ്പില്‍ ബി.ജെ.പിയിലെ മനിഭായ് ജെതാഭായ് വഗേലയെ തോല്‍പിച്ച് കോണ്‍ഗ്രസ് വര്‍ക്കിങ് പ്രസിഡന്റ് ജിഗ്‌നേഷ് മേവാനി. 3857 വോട്ടിന്റെ ഭൂരിപക്ഷത്തിലാണ് വിജയം. 92,567 വോട്ടാണ് മേവാനിക്ക് ലഭിച്ചത്. വഗേലക്ക് 88,710 വോട്ടും. ആം ആദ്മി പാര്‍ട്ടിയുടെ ദല്‍പത് ഭായ് ഭാട്ടിയക്ക് 4315 വോട്ടുമാണ് ലഭിച്ചത്.
ഇത് തുടര്‍ച്ചയായ രണ്ടാം തവണയാണ് മേവാനിയെ വാദ്ഗാം മണ്ഡലത്തില്‍നിന്ന് തെരഞ്ഞെടുക്കപ്പെടുന്നത്. കഴിഞ്ഞ നിയമസഭാ തെരഞ്ഞെടുപ്പില്‍ കോണ്‍ഗ്രസ് പിന്തുണയോടെ സ്വതന്ത്രനായി മത്സരിച്ച് ജയിച്ച മേവാനി പിന്നീട് കോണ്‍ഗ്രസില്‍ ചേരുകയായിരുന്നു. സംസ്ഥാനത്തെ ദലിത് നേതാക്കളില്‍ ഒരാളാണ് ജിഗ്‌നേഷ് മേവാനി.