റെയിൽവേ ബോർഡ് പുതിയ ചെയർപേഴ്സണും ചീഫ് എക്സിക്യൂട്ടീവ് ഓഫീസറുമായി ജയ വർമ്മ സിൻഹ ഇന്ന് റെയിൽ ഭവനിൽ ചുമതലയേറ്റു. ശ്രീമതിയുടെ നിയമനത്തിന് മന്ത്രിസഭയുടെ അപ്പോയിന്റ്‌മെന്റ് കമ്മിറ്റി അംഗീകാരം നൽകി. ഇന്ത്യൻ റെയിൽവേയുടെ ഈ ഉയർന്ന തസ്തികയിലേക്ക് നിയമനം ലഭിക്കുന്ന ആദ്യ വനിതയാണ് അവർ.ഇതിനു മുൻപ് റെയിൽവേ ബോർഡ് അംഗമായി (ഓപ്പറേഷൻസ് ആൻഡ് ബിസിനസ് ഡെവലപ്‌മെന്റ്) പ്രവർത്തിച്ചിട്ടുണ്ട്. ഇന്ത്യൻ റെയിൽവേയിലെ ചരക്ക്, യാത്രാ സേവനങ്ങളുടെ ഗതാഗതത്തിന്റെ ഉത്തരവാദിത്തം സിൻഹയ്ക്കായിരുന്നു.
1988-ലാണ് ജയ വർമ്മ സിൻഹ ഇന്ത്യൻ റെയിൽവേ ട്രാഫിക് സർവീസിൽ (ഐആർടിഎസ്) ചേർന്നത് സൗത്ത് ഈസ്റ്റേൺ റെയിൽവേയുടെ പ്രിൻസിപ്പൽ ചീഫ് ഓപ്പറേഷൻസ് മാനേജരായി നിയമിതയായ ആദ്യ വനിത കൂടിയാണ് അവർ. കൊൽക്കത്തയിൽ നിന്ന് ധാക്കയിലേക്കുള്ള പ്രശസ്തമായ മൈത്രി എക്‌സ്‌പ്രസ് ഉദ്ഘാടനം ചെയ്ത സമയത്ത് ബംഗ്ലാദേശിലെ ധാക്കയിലുള്ള ഇന്ത്യൻ ഹൈക്കമ്മീഷനിൽ റെയിൽവേ ഉപദേശകയായി പ്രവർത്തിച്ചിട്ടുണ്ട്