കോഴിക്കോട് ജാനകിക്കാട് പീഡനക്കേസിലെ നാല് പ്രതികള്‍ക്കും കോടതി ശിക്ഷ വിധിച്ചു. സായൂജ്, രാഹുല്‍, അക്ഷയ് എന്നിവര്‍ക്ക് ജീവപര്യന്തം. പെണ്‍കുട്ടി ഏറെ പരാതി പറഞ്ഞ രണ്ടാംപ്രതി ഷിബുവിന് 30 വര്‍ഷം തടവാണ് ശിക്ഷ. നാദാപുരം പോക്‌സോ അതിവേഗ കോടതി ജഡ്ജി എം ഷുഹൈബ് ആണ് ശിക്ഷ വിധിച്ചത്. നാലു പ്രതികളും കുറ്റക്കാരാണെന്ന് കോടതി രാവിലെ കണ്ടെത്തിയിരുന്നു.
2021ല്‍ 17കാരിയെ പ്രതികള്‍ ജ്യൂസില്‍ മയക്കുമരുന്ന് കൊടുത്ത് മയക്കി പീഡിപ്പിച്ച കേസിലാണ് വിധി.കുറ്റ്യാടി പൊലീസാണ് അന്വേഷണം നടത്തിയിരുന്നത്.