ഇന്ത്യന്‍ സൂപ്പര്‍ ലീഗില്‍ ഒഡിഷ എഫ്‌സിയെ ഒന്നിനെതിരെ അഞ്ചു ഗോളുകള്‍ തകര്‍ത്ത് വിട്ട് ജംഷഡ്പൂര്‍ എഫ്‌സി. ജംഷഡ്പൂരിനായി ഡാനിയല്‍ ചീമ രണ്ടും ജോര്‍ദാന്‍ മുറെ, റിതിക് ദാസ്, ഇഷാന്‍ പണ്ഡിത എന്നിവര്‍ ഓരോന്നും വീതവും ഗോളുകള്‍ അടിച്ചുകൂട്ടി.
ഇന്ന് നടന്ന മത്സരത്തില്‍ ഒഡിഷ പാടേ മങ്ങിപ്പോയി. ഒഡിഷ ഓര്‍മിക്കാന്‍ ആഗ്രഹിക്കാത്ത ദിവസങ്ങളില്‍ ഒന്നായിരുക്കും ഇത്. ഒഡിഷക്കായി പോള്‍ റാംഫാങ്‌സുവയാണ് ആശ്വാസ ഗോള്‍ കണ്ടെത്തിയത്. 23 പോയന്റുമായി ടേബിളില്‍ ഏഴാം സ്ഥാനത്താണ് ഒഡിഷ. ജൊനാഥ്‌സ് 73ാം മിനുട്ടില്‍ ചുവപ്പു കാര്‍ഡ് കണ്ട് പുറത്തായത് ഒഡിഷക്ക് വലിയ തിരിച്ചടിയായി. 40 പോയന്റുമായി ഒന്നാം സ്ഥാനത്തുള്ള ജംഷഡ്പൂര്‍ പ്ലേ ഓഫ് ഉറപ്പിച്ചു കഴിഞ്ഞു.