മുസ്്‌ലിം ലീഗുമായും മറ്റും ഒരുമിച്ച് പോകാന്‍ ആഗ്രഹിക്കുന്നതായി കാന്തപുരം എ.പി അബൂബക്കര്‍ മുസ്്‌ലിയാര്‍. ഒന്നിച്ചുപോകുകയാണ് നല്ലത് എന്ന് എപ്പോഴും ഞങ്ങള്‍ പറയുന്നതാണ്. എനിക്ക് അസുഖം ബാധിച്ചപ്പോള്‍ ബഹുമാനപ്പെട്ട സാദിഖലി ശിഹാബ് തങ്ങളും പാണക്കാട്ടെ എല്ലാ സയ്യിദന്മാരും പി.കെ കുഞ്ഞാലിക്കുട്ടിയും എല്ലാം എന്നെ കാണാന്‍ വന്നു. എപ്പോഴും മുസ്്‌ലിംകളും അല്ലാത്തവരും രാഷ്ട്രീയക്കാരും ഒരുമിച്ചുപോകല്‍ രാജ്യത്തിന്റെ ഭാവിക്ക് ആവശ്യമാണ്. അതില്ലാത്ത ചിലര്‍ ഇപ്പോഴും ബാക്കിയുണ്ട് എന്നാണ് എനിക്ക് തോന്നുന്നത്. അതില്ലാതാകണമെന്നാണ് എന്റെ അഭിപ്രായം. ഒരു സ്വകാര്യ ടിവി ചാനലിന് നല്‍കിയ അഭിമുഖത്തിലാണ് കാന്തപുരം അബൂബക്കര്‍ മുസ്്‌ലിയാര്‍ ഇങ്ങനെ അഭിപ്രായപ്പെട്ടത്.