മഹാരാജാസില്‍ പ്രവൃത്തിപരിചയം ഉണ്ടെന്ന് അവകാശപ്പെട്ട്് മുന്‍ എസ്.എഫ്.ഐ മുന്‍നേതാവ് കെ വിദ്യ നല്‍കിയ ബയോഡാറ്റ അഗളി പൊലീസ് കസ്റ്റഡിയിലെടുത്തു. അട്ടപ്പാടി കോളേജില്‍ സമര്‍പ്പിച്ച ബയോഡാറ്റയാണ് പിടിച്ചെടുത്തത്. മഹാരാജാസില്‍ 20 മാസത്തെ പ്രവര്‍ത്തിപരിചയമുണ്ടെന്നാണ് അവകാശവാദം.
അട്ടപ്പാടി കോളേജിലെത്തിയത് എസ്.എഫ്.ഐക്കാരനായ സുഹൃത്തിനൊപ്പമെന്നാണ് സൂചന. വ്യാജരേഖ ചമച്ച കേസില്‍ ഇയാളുടെ പങ്ക് പൊലീസ് അന്വേഷിക്കും. വിദ്യ എത്തിയ കാറിന്റെ നമ്പര്‍ പൊലീസ് തിരിച്ചറിഞ്ഞു. രണ്ടാം തിയ്യതി രാവിലെയാണ് വിദ്യയും സുഹൃത്തും വെള്ള സ്വിഫ്റ്റ് കാറില്‍ അട്ടപ്പാടി കോളേജില്‍ എത്തിയത്. വ്യാജ സര്‍ട്ടിഫിക്കറ്റ് കേസില്‍ അഗളി പൊലീസ് അട്ടപ്പാടി ആര്‍.ജി.എം കോളേജിലെ അധ്യാപകരുടെ മൊഴി വീണ്ടും രേഖപ്പെടുത്തി.